Open call на правядзенне даследаванняў
◆ Студзень–Май 2025 ◆ Дэдлайн 20 снежня 2024 ◆
Цэнтр гендарных даследаванняў ЕГУ ў межах праграмы Women in Tech аб’яўляе конкурс на правядзенне даследаванняў.
Мэта конкурсу – падтрымка даследчы_ц, якія вывучаюць праблемы гендарнай няроўнасці ў ІТ і навуцы ў Беларусі, а таксама аналіз грамадскіх зменаў і крызісаў праз перспектыву гендарных даследаванняў.
Каго запрашаем
Праграма Women in Tech накіравана на даследчыц, студэнтак магістратуры і дактарантуры, чые навуковыя інтарэсы знаходзяцца на скрыжаванні тэхналогій, навуковага ведання, лічбавай сферы і гендарнай праблематыкі ў Беларусі.
◆ Дэдлайн 20 снежня 2024 ◆
Што прапануе праграма?
Фінансаванне
да 2000 еўра (gross) для кожнага з 4 даследванняў
Перыяд даследавання
студзень – май 2025 года.
Дадатковая падтрымка
-
дапамога ў правядзенні колькасных даследаванняў;
-
пошук рэспандэнтаў для якасных даследаванняў;
-
публічная камунікацыя вынікаў даследаванняў для прафесійнай супольнасці і шырокай аўдыторыі.
Тэмы даследаванняў
1.
Мацярынства як сацыяльная практыка ў беларускім кантэксце
Фокус даследавання можа быць звязаны з аналізам структур мацярынскіх практык, існуючай дзяржаўнай палітыкай, запытамі на рынку працы, паўсядзённасцю, умовамі міграцыі. Важным крытэрам ацэньвання з'яўляецца структураваны падыход у даследаванні, яго рэлевантнасць і ўпісванне ў існыя даследаванні.
2.
Гісторыя беларускага фемінізму
Напрамак даследавання можа быць накіраваны на картаграфаванне розных ініцыятыў і супольнасцяў у полі беларускага фемінізму на працягу апошніх больш за 30 гадоў, а таксама магчымасцю сабраць і прааналізаваць гісторыі жанчын, суполак і арганізацый, каб паказаць разнастайнасць фемінісцкага руху ў Беларусі.
3.
Гендар, тэхналогіі і эмоцыі
Даследаванне дынамікі ўзаемадзеяння эмоцый, капіталу і гендару ў тэхналагічным кантэксце. Разгляд тэхналогій як прычыны і наступства гендарных адносін.
4.
Патрэбы і выклікі жанчын у беларускім ІТ
Аналіз патрэб і праблем, з якімі сутыкаюцца жанчыны ў беларускай ІТ-індустрыі ва ўмовах зменлівага сацыяльнага і прафесійнага ландшафту.
Як падаць заяўку
Для ўдзелу неабходна запоўніць заяўку з апісаннем праекта даследавання i прыкласці CV.
Крытэрыі адбору:
Кваліфікацыйныя крытэрыі:
-
Адукацыя: Вышэйшая адукацыя (магістр, кандыдат навук).
-
Даследчыцкі досвед: Мінімальны даследчыцкі досвед – 2 гады.
-
Публікацыі: Наяўнасць публікацый па тэматыцы даследавання.
-
Гендэрная рамка: Гендэрны фокус працы даследчыцы.
Крытэрыі ацэнкі:
-
Адпаведнасць адной з 4-х тэм даследаванняў.
-
Прадуктаванасць праекта будучага даследавання.
-
Разуменне і актуальнасць выбранай тэмы.
-
Метадалагічная рамка, выбраная для праекта даследавання, дазваляе раскрыць тэму.
Ацэнка заявак:
Спачатку ацэньваецца адпаведнасць кандыдатак кваліфікацыйным крытэрыям. Далей кожная прадсаўніца экспертнага савета выстаўляе балы па шкале ад 0 да 2 на падставе крытэрыяў "Крытэрыі ацэнкі". Да чатырох кандыдатак, якія набралі найбольшую колькасць балаў, адбіраюцца для правядзення даследавання.
◆ Дэдлайн 20 снежня 2024 ◆
Women in Tech – гэта адукацыйны і даследчы праект, накіраваны на падтрымку жанчын у ІТ-сферы, развіццё даследаванняў на скрыжаванні тэхналогій і фемінізму, а таксама на спрыянне гендарнай роўнасці ў высокіх тэхналогіях. Праграма рэалізуецца Цэнтрам гендарных даследаванняў ЕГУ пры фінансавай падтрымцы Еўрапейскага саюза.
